نصائح عامه عند عمل اي اجراء حكومي كاجراءات التجنيد مثلا

|

انا عارف ان البعض ممكن يستهون بالكام كلمه الي حقولهم دلوقتي
بس فعلا والله الكام كلمه اللي حقولهم دلوقتي مهمين جداااااا عند عمل اي اجراء حكومي زي مثلا اجراءات التجنيد والجيش او ايا كان الاجراء الحكومي

النصائح كالتالي:

1- اول ما تستلم اي ورقه سواء كانت وصل او فاتورة او شهاده او ايا كانت لااااااااااازم تصورها نسخه واحده على الاقل
بجد الموضوع ده مهم قوي عشان طول ما الواحد ماشي في الاجراءات حاجات كتير ممكن تحصل

زي مثلا:

فرضا انت لما جيت تعمل القيد العائلي واستلمته ( بعد ما كنت سلمتهم الايصال طبعا ) وكان لا قدر الله القيد العائلي فيه بيانات غلط تفتكر حيبقى الوضع ايه ؟
بلاش افرض لا قدر الله الوصل اساسا ضاع منك حيبقى الوضع ايه ؟

لو انت كان معاك صورة من الوصل يبقى حتقدر تستعمله عشان تطلع وصل جديد او حتى ممكن تعدل بيه القيد العائلي
لكن لو معاكش يبقى فعلا حيطلع عينك عشان تعمل اي حاجه فاهمني ؟

بلاش يا سيدي موضوع الوصل :

افرض طيب وانت بتعمل حاجه لقيت انه مطلوب منك صورة من كزا وليكن كمثال صورة من شهاده الميلاد او صورة من نموذج 6 جند او ايا كان
وانت طبعا حتكتشف كده بعد ما تكون وقفت في طابور طوييييييل وتلاقي الموظف بيزعقلك ويقولك ورقك ناقص يا استاذ تخيل الوضع حيبقى ايه ؟ واظن ان انتم عارفين ان ده بيحصل كتير صح ولا لأ ؟

لو انت مصور من اي ورق معاك صورة او اتنين يبقى ساعتها حتتحل اي مشكله وحتدي للموظف اي ورق هو عاوزه وتخلص
لكن لو مكنتش مصور يا بطل ساعتها حتضطر تسيب الطابور وتروح تصور وطبعا دورك حيكون راح ويا اما ساعتها حتتخانق مع اللي واقف قدام عشان تدخل ادامه ( واكيد هو مش حيرضى عشان اساسا كل واحد بيبقى خلقه في مناخيره D: ) او ساعتها حتضطر تستنى تاااااني في نفس الطابور الغبي اللي انت كنت واقف فيه

فتفتكر انت نفسك هل احسنلك انك تصور اي ورقه معاك على طوووول ولا تتعرض لأحد المواقف اللي ضربتها في الامثله لا قدر الله ؟

0 comments:

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB