دليل شاب التجنيد - الاعفاء المؤقت

|


الاعفاء المؤقت من التجنيد يحدث في الحالات الاتيه :

1- الابن الوحيد لأبيه الحي

2- العائل الوحيد لأبيه الغير قادر على الكسب وكذا العائل لأخيه أو لأخوته الغير قادرين على الكسب

3- العائل الوحيد لأمه الأرمله أو المطلقه اطلاقا بائنا أو كان زوجها غير قادر على الكسب

4- أكبر المستحقين للتجنيد من أخوة الضابط أو المجند أو المواطن الذي فقد بسبب العمليات الحربيه ويعامل الغائب في العمليات الحربيه معامله المفقود الى ان يتضح موقفه

16 comments:

غير معرف يقول...

أنا عايز أستفسر عن حاجة أنا الولد الوحيد و لى إخوة بنات فهل يجب أن أكمل إجراءات التجنيد للنهاية و أذهب للكشف الطبى

غير معرف يقول...

ما هى خطوات الحصول على الإعفاء المؤقت

admin يقول...

يا غالي
انت كده ليك اعفاء مؤقت طالما الوالد الحمد لله على قيد الحياه
وسبب ان الاعفاء مؤقت هو انهم بيعملوا حساب ان ممكن والدك يخلف تاني ( حاجه كده عامله زي فيلم علاء ولي الدين ) بس فعلا هما بيبصولها لكده

اجراءات الاعفاء المؤقت ممكن تعملها من دلوقتي ومش لازم تستنى يوم الكشف الطبي او الارجاء ( وبيني وبينك كل ما تبدر يبقى احسن عشان تبعد عن الزحمه اللي بتكون موجوده في وقت الكشف الطبي )

المهم الاجراءات المطلوبه بالتفصيل معرفهاش
لكن الشئ المؤكد ان اول حاجه لازم تعملها هي القيد العائلي وده لازم واكيد مليون في الميه انك تعمله عشان ديه الحاجه اللي حتثبت انك الولد الوحيد لابيك

باقي الحاجات بصراحه مش متأكد منها لكن غالبا حتحتاج بردك تعمل شهاده ميلاد كمبيوتر وفيش جنائي
بص احسن حاجه تعمل دلوقتي القيد العائلي عشان ده بياخد وقت طويل و وبعدين اما انك تروح اداره التجنيد التابعه لمحافظتك او تتصل بيهم بالتليفون وتسألهم وحتلاقي موضوعين في المدونه عن اماكن اجراءات التجنيد لكل محافظه وارقام تليفوناتهم
بالتوفيق والف مبروك مقدما ان شاء الله يا غالي

غير معرف يقول...

أولا أحب أشكرك على تعاونك و سرعة ردك و أهنيك على الموقع اللى بجد هيكون مرجع لكل مواطن فى المستقبل
ثانيا أنا اللى مش فاهمه بعد ما أطلع شهادة الإعفاء المؤقت هل لازم أروح الكشف الطبى زى اللى ليهم جيش و لا كده أكون خلصت خلاص يا ريت لو تفيدنى فى النقطة دى لأنى إتصلت بالإستفسارات المسجلة بتاعة الجيش و النقطة دى ماجابوش سيرتها و بأكرر شكرى ليك تانى

admin يقول...

لا شكر على واجب يا غالي
بالنسبه لسؤالك يا باشا :
بمجرد ما تطلع شهاده الاعفاء المؤقت يبقى مش حتحتاج ابدا انك تروح يوم الكشف الطبي او الارجه او اي حاجه من الحاجات دي
يعني من الاخر طلع انت بس شهاده الاعفاء المؤقت وبعد كده انسى اي حاجه متعلقه بالجيش تمااااااااما لحد ما معاد الاعفاء المؤقت يخلص وساعتها بتروح تجددها او تتحول لاعفاء نهائي على حسب وضعك ووضع والدك ساعتها فاهمني ؟
بالتوفيق ولو فيه اي حاجه عايزها انا تحت امرك

غير معرف يقول...

بجد بجد شكرا إنت إنسان رائع و خدوم و ربنا يوفقك إن شاء الله

admin يقول...

الله يخليك
ده بس من زوقك والله
بس انا عندي طلب صغنطط لو ممكن تكتب في كومنت الورق المطلوب منك بالضبط لعمل اجراءات الاعفاء المؤقت لما كلمت اداره التجنيد عشان اكتبه في موضوع مستقل عشان الناس تستفيد يبقى جزاك الله كل خير

MASRY يقول...

غير معرف يقول...

انا ليا تاجيل كبير عيله (والدى عدى ال 60 )
وسنى 21 سنه واخويا طالع تانيه كليه
اعمل التـاجيل ولا اقدم عادى ؟

.. وشكرا

admin يقول...

اعمل التأجيل ان شاء الله
وطبعا جيب اوراق تثبت اللي انت قولته ده
يعني اكيد حتحتاج شهاده القيد العائلي اساسي وشهاده ميلاد ليك ولوالدك واحتمال تحتاج فيش جنائي وباقي الاوراق ابقى اسأل عليها بالتليفون احتياطي في منطقه التجنيد اللي انت تابع ليها قبل ما تروح احسن
بالتوفيق ان شاء الله يا غالي

سامح يقول...

انا ابويا على المعاش واخويا غير قادر على الكسب استحق الاعفاء المؤقت

admin يقول...

اه تستحق اعفاء مؤقت بس المهم طبعا لازم تثبت ان الوالد على المعاش والاهم انك تثبت ان اخوك الاكبر منك ( لو كان فيه ) غير قادر على الكسب

غير معرف يقول...

حد يرد عليااااااا ؟والدى فوق 60 واخويا الكبير متجوز ويعول وانا التانى واخويا الاصغر منى لسه بيدرس اعمل اعفاء مقت ولا مااينفعشى؟؟

admin يقول...

للأسف معتقدش انك ينفع تطلع من لجيش بحجه انك تعول الاسرة عشان الجيش حيعتبر اخوك الاكبر سواء متجوز او لأ هو العائل الاساسي لأسرتك ( والدتك ووالدك وهكذا ) والكلام ده حصل لخالي الاصغر رغم ان خالي الاكبر كان متزوج ووالدهم ( جدي ) كان متوفي

ان شاء الله تلاقي اي سبب تاني يطلعك من الجيش سواء الكشف الطبي او الارجاء
بالتوفيق

غير معرف يقول...

انا سني 21 سنه ووالدي عدى ال60 ووظيفته اعمال حره
ولي اخ صغير وانا اكبر اخواتي الذكور
هل ينفع اعمل اعفاء مؤقت
ولو ينفع هل ممكن ياخدوني جيش بعد ما اخوي يخلص تعليم؟؟؟

admin يقول...

اه ممكن تقدم على اعفاء مؤقت دلوقتي بس طبعا لازم تثبت كده وده غالبا بالقيد العائلي عشان تثبت انك الاخ الاكبر والوالد عدى ال 60 سنه

وبالنسبه لموضوع الاخ
فللأسف انت بتاخد اعفاء مؤقت لحد اخوك ما يخلص دراسه بمجرد انه بيخلص دراسه انت كمان بتستنى الارجه وتشوف اذا كنت حتدخل ولا لأ
بس غالبا اللي بياخد تأجيل مرة بيكمل لحد ما ياخد اعفاء نهائي الا لو لا قدر الله فيه حاله حرب مثلا

بالتوفيق ان شاء الله

Osama-Egypt يقول...

بشكرك كتيير علي المدونه الخطيره دي ومجهودك الرائع واحب احكيلك حكايتي مع الاسره والجيش ويارب تقدر تفيدني بص يا باشا انا اخواتي الرجال الخمسه عايشين بالخارج وفيه تلاته منهم معاهم جنسيات اجنبيه وفيه اخواتي البنات متجوزين في مصر وانا يعتير الوحيد اللي مع ابويا وامي يا تري ايه موقفي من التجنيد وانا اساسا قدمت ورقي ومنتظر يوم الارجه ياريت تفيديني

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB