يوم الارجه او يوم الارجاء - استلام شهاده التأجيل

|


بعض الملحوظات المتعلقه بشهاده التأجيل ( لمده 3 سنوات ):

1- التأجيل يكون لمده 3 سنوات فقط

2- الشهاده نفسها مبيكونش اسمها شهاده التأجيل بل بيكون مكتوب عليها نموذج وضع تحت الطلب

3- بتكون مختومه بختم ممنوع من السفر الا بعد الحصول على اذن من منطقه التجنيد

استلام شهاده التأجيل ( نموذج وضع تحت الطلب ) :

يفضل ان تذهب حوالي الساعه 11.30 ( ولا حاجه ان تذهب قبل او بعد ذلك )

وذلك لأن :

تسليم الشهاده يتم بعد سماع اسمك عشوائيا وليس بترتيب وجودك بمنطقه التجنيد
واساسا يتم نداء الاسماء حوالي الساعه 12 الا ربع وليس قبل ذلك ابدا

* بعد الوصول لمنطقه التجنيد ستجد احد الاشخاص بمنطقه التجنيد ينادي على مواليد كل سنه حصلت على التأجيل وذلك لأنهم سيقفون في طابور مختلف عن طابور مواليد السنوات الاخرى
وايضا لأن مواليد كل سنه سيدفعون مبلغا معينا من المال يختلف حسب تاريخ ميلادك

فمثلا :

مواليد سنه 88 سيدفعون 17 جنيه بينما مواليد سنه 87 سيدفعون 17 جنيه ونص وهكذا حسب تاريخ ميلادك

* بعد الوقوف في طابور حسب تاريخ ميلادك سيقوم أول شخص من كل طابور بجمع المال المطلوب منك ( ولذلك يفضل ان تأتي بفكه )
ثم سيحصل هذا الشخص على نموذج احمر سيقوم بتوزيعه على كل شخص منكم

* ثم ستنتظرون حتى يتم نداء الاسامي وعندما تسمع اسمك ستقوم باعطاء العسكري الذي ينادي عل الاسماء ذلك النموذج الاحمر مرة اخرى وهو سيعطيك شهاده التأجيل

وبالطبع حتى يتم تنظيم العمليه قليلا :

فسوف يتم توزيع الاشخاص حسب القسم التابع له
اي انه بعد تقسيم الاشخاص حسب تاريخ الميلاد لإنه ستم تتقسيم الاشخاص مرة اخرى حسب القسم التابع له ( قسم المنتزة مثلا او قسم الرمل او ايا كان القسم الذي انت تابع له )

وهكذا بعد حصولك على ذلك النموذج فأنت موقفك التجنيدي تم تأجيله لمده 3 سنوات والف مبروك لك

9 comments:

Anonymous يقول...

عندي سؤال ممكن تجاوبوني عليه
انا اخويا مسافر وواخد تأجيل 3 سنين
هوا دفعة 2006 ومواليد النص التاني
عايزة اعرف معاد الارجاء بتاعة امتى
هوا المفروض يبقى في شهر يناير 2010 بس امتى بالظبط وايه الاجراءات اللي المفروض يعملها وهتاخد منه وقت قد ايه؟؟؟؟؟

admin يقول...

بيختلف معاد الارجه حسب اذا كان هو مؤهل عالي ولا لأ

لكن غالبا هو مؤهل عالي صح ؟

وبالتالي معاد ارجته حيكون نفس معاد الارجه لمواليد النصف الثاني للمؤهلات العليا
وغالبا ده بيبقى في شهر 10

وبالنسبه لو فيه اي ورق مطلوب بصراحه انا مش عارفه بالضبط
لكن بالتأكيد حيحتاج شهاده التأجيل اللي اخدها قبل كده
وعشان تبقى متأكد اذا كان حيحتاج ورق تاني ولا لأ
فممكن الاتصال بمنطقه التجنيد التابعه له
وهما حيقولوله بالضبط على اي ورق تاني حيكون مطلوب منه

http://eltagnid.blogspot.com/2009/10/blog-post_29.html

وده اللنك اللي فيه ارقام تليفونات مناطق التجنيد في جمهوريه مصر العربيه

اتمنى اكون ساعدتك قليلا
بالتوفيق ومتقلقش ان شاء الله خير واخوك حياخد تأجيل تاني عشان هو ده العرف المعهود الا لو لا قدر الله كانت فيه حاله حرب

mooda يقول...

ممكن استفسار لو سمحت انا دلوقتى كانت الارجا بتاعتى 17/5/2010 اللى فات وبعدين انا طلعت تاجيل والعسكرى قال تعالوا يوم 25/5/2010 هل اليوم ده هحصل فيه على شهادة التاجيل ولا هيحصل فيه ايه ؟؟ ارجو الافاده ولك جزيل الشكر والتقدير

admin يقول...

اخي مودا
اولا الف مبروك على التأجيل
ثانيا فعلا بالنسبالك ان شاء الله يوم 25 ( على حسب كلامه ) هو اللي حتستلم فيه شهاده التأجيل
بالتوفيق يا غالي

غير معرف يقول...

السلام عليكم ..انا بس كنت عايز اتأكد انا تأجيلى يخلص يوم 16:10:2010 هروح الجيش هسمع ارجا تانى ولا ان شاء الله بستلم شهادة تأجيل و ايه احتمالات دخول الجيش بعد التأجيل و لو متزوج من اجنبيه ده بيأسر فى الموضوع ؟؟؟ ارجو الرد....غادى

admin يقول...

اخي اولا احتمال دخول الجيش بعد التأجيل يببقى صعب الا لو فيه ظروف طارئه في الجيش ومحتاجين ناس زي مثلا حاله حرب لا قدر الله

بس بصراحه معرفش اذا كنت حتسمع ارجه تاني ولا لأ بس غالبا اه حتسمع ارجه تاني

نقطه متزوج يعني انت العائل الاساسي لاسرتك ( زوجتك واولادك اذا كان يوجد ) وكون انها اجنبيه فانا ارجح بنسبه كبييييييرة اوي ان شاء الله انك حتاخد تاجيل ومش حتدخل الجيش ان شاء الله

Osama-Egypt يقول...

سلامي لكل من ساهم في هذه المدونه الجباره وسؤالي انا ليا 5 اخوات رجال مسافرين بره وفيهم 3 معاهم جنسيات ومتزوجين بالخارج و2 بدون جنسيه واخوتين في مصر متزوجين وانا المسئول عن ابويا وامي وللعلم انا منتظر يوم الارجاء وهنتظر ردك يا غالي

admin يقول...

بص فيه نقطتين مهمين :

1- اخواتك اللي ليهم جنسيه اجنبيه هنالك بعض الجنسيات الاجنبيه بتخللي الاقارب من الدرجه الاولى ليهم ملهومش جيش وبتاخد ساعتها شهاده اعفاء مكتوب عليها لاسباب امنيه ( بس ايه هي كل الجنسيات بالضبط بصراحه مش عارفها بس اكيد فيها اسرائيل مثلا وهكذا .. )

2- انت طالما ليك اخوات اولاد اكبر منك هما اللي بيعتبروا العائل الاساسي للاسره مش انت فاهمني؟

غير معرف يقول...

السلام عليكم
انا مهندس خريج 2010...ورحت قدمت فالجيش ولبست ظابط وكشفت هيئه وفضلى سمات ومناظره..وانا بقدم كان اخويا بيمتحن مادة دور تانى فليسانس حقوق..ودلوقتى هو خلص واترشح ظابط ولبس فالارجا...ووالدى معدى ال 60..وانا الكبير...المفروض انى اخد تأجيل عاقل اسره...كنت عايز اعرف مدة التأجيل هتكون اد ايه..وده هيتوقف على دخوله ظابط او عسكرى ولا لآ

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB