تابع يوم الارجه ( يوم الارجاء للتجنيد ) داخل منطقه التجنيد

|


اهم ملحوظه حنبهكم عليها في يوم الارجه او يوم الارجاء ان محدش يجيب خااااااااااااااااااااالص اي موبايل معاه في منطقه التجنيد في يوم الارجه او يوم الارجاء عشان حتى ممنوع انك تحطه في الامانات

اللي حصل معايا ومع كل الناس اللي كان معاها موبايل في يوم الارجه او يوم الارجاء انهم منعونا تماااااااااما ان احنا نحط الموبايل في الامانات وفضلوا لاطعين الناس اللي معاها موبايل بره في عز الشمس بره منطقه التجنيد اساسا لحااااااااااااااد لما جم ينادوا على الارجه او الارجاء
وخللوا بالكم عشان بيفتشوا تفتيش ذاتي دقيق للاسف

انما اللي مكانش معاه موبايل دخل منطقه التجنيد جوه وقعد تحت المظله
( اينعم فضل ملطوع ساعتين تلاته D: ) لكن على الاقل في الظل مش في عز الشمس فاهميني ؟

تاني ملحوظه :

ان انتم الاحسن ليكم انكم تيجوا بالضبط في يوم الارجه او يوم الارجاء الساعه 9 في منطقه التجنيد ( لا قبل كده ولا بعد كده) لو جيتم بعد يبقى غالبا حتضطروا تستنوا تاني مرة لما ينادي الضابط على الارجه ( الارجاء ) بينما الناس اللي حييجوا 9 حيكونوا من اول ناس حيدخلوا وحيقعدوا في المظله لحد الساعه 11ونصف تقريبا لحد ما الارجه ( الارجاء ) تتندى لكن تاني مرة تتنادى فيها الارجه اعتقد والله اعلم على الساعه 1-2 ظهرا وفي كلتا الاحوال انتم احرار حسب ظروفكم ومواعيدكم

وبالمناسبه مش مطلوب منكم انكم تيجوا حالقين لا شعر ولا حتى ذقن عشان انت خلاص خلصت الكشف الطبي قبل كده في منطقه التجنيد

نيجي بقى للمهم ومن اول هنا ركزوا قوي:

الظابط حيبتدي ينده على الارجه او الارجاء  و نظامه في النداء حيكون اولا بالتخصصات
بمعنى في الاول حينده على التخصصات المطلوبه ودول هما الاشخاص اللي حيدخلوا الجيش ايا كان عمرهم او مولودين في يوم ايه او ايا كان الحال

باقي التخصصات اللي مش حينادي الظابط عليها حيفضلوا قاعدين وبعدها الظابط حينده على تخصصهم بالايام زي مثلا فرضا كليه هندسه قسم مدني متناداش عليها في الاول ( يعني كانت مش من التخصصات المطلوبه وده طبعا مجرد مثال للتوضيح ) ساعتها الناس اللي في كليه هندسه مدني حيبتدي الظابط ينده على تخصصهم بالايام يعني مثلا من يوم 8/1- لحد يوم 26/1 دول حيدخلوا الجيش وبعدها حيسقط كام يوم ( ودول مش حيدخلوا الجيش ) وبعدها حينادي على ايام تانيه حيدخلوا الجيش زي مثلا 5/2- لحد 5/3 دول داخلين الجيش

اظن كده فاهمين وطبعا المثال للايام والتخصص ده مجرد مثاااااااااال فقططططططططط للتوضيح مش اكتر

اللي متانداش عليه خالص في يوم الارجه او يوم الارجاء سواء تخصصه او يومه دول تأجيييييييييييل والف مبرووووووووووووووووك ليهم
والبقيه المساكين دول ربنا معاهم وساعتها حيكملوا يروحوا بقه في المواعيد المتحدده في نموذج 110

وان شاء الله ان شاء الله كلكممممممممم تاخدوا اعفاء او على الأقل تأجيل يوم الارجه او يوم الارجاء وتشوفوا حياتكم ومستقبلكم بقه D:

4 comments:

غير معرف يقول...

لو سمحت متعرفش انجليزي او لغات عموما كانوا بيتطبوا وللا لا؟
معلش استحمل سؤال غبي من اخوك في البهدلة والمرمطة بتاعة الكشف الطبي وسلطاته وانت اكيد فاهم قصدي ايه
وربنا يعيننا كلنا ونخلص من اللي احنا فيه دة على خير

p.s. انا اترشحت جندي

admin يقول...

بص انا فعلااااااا مقدر حالتك وانا نفسي كنت بتعلق بقاشيه بس المهم اطلع من الجيش
بس فعلا اللي اقدر اقولهولك وأأكدهولك بنسبه 100 % ان موضوع انك تتاخد او لا ده محدش يعرفه او يتوقعه وهو في الاخر نصيبك

يعني مثلا فيه ناس تقول لو هما اخدوا تخصصي نص اول يبقى مش حياخدوه نص تاني مثلا
وناس تانيه تقول طالما النص الاول متاخدش يبقى النص التاني حيتاخد
وناس تقول ده من التخصصات المطلوبه ولازم حيتاخد
كل ده من الاخر للاسف تخاريف
ابسط مثال وحاجه توضح كده
ان مثلا دفعتي سواء نص اول وكماااااان نص تاني متاخدوش
وفيه كليات تانيه زي طب مثلا اتاخدوا النصين الاول والتاني
يعني فعلا الموضوع ملهوش اي قاعده
معلش انا عارف اني مفيدتكش اوي ومريحتكش زي ما انت كنت عايز لكن فعلاااااا ربنا وحده هو اللي بيعلم الغيب
عموما بالنسبه للنص الاول في سنتنا بعض اللغات كانوا اتاخدوا للاسف
لكن زي ما قولت دي مش قاعده
ممكن على وقتك يقولوا احنا اخدنا خلاص ومش محتاجين وممكن بردك يفضلوا محتاجين
فصدقني عشان تريح نفسك سيبها على الله يا غالي
في النهايه كل واحد بياخد نصيبه ومحدش عارف الخير فين
وان شاء الله ربنا يكرمك وتاخد تأجيييييل
وابقى طمني يوم الارجه بتاعك
بالتوفيق يا غالي

غير معرف يقول...

انا سمعت انى الارجه طلعت على الهايكستب خلاص كلام داه صحيح واحد جابها انبارح بليل كلام داه صحيح يجدعان وقلى انتا داخل كلام حد يفهمنى انا هتجنن خلاص

admin يقول...

يا بني بص
اولا الارجه محدش بيعرفها بواسطه الا قبلها ب 24 ساعه فقط لااا غيييييييييير
فلو انت ارجتك بكرة مثلا يبقى احتمال ان شخص يعرفها النهارده ده ممكن بس لازم تكون واسطه عملااااااااااااقه في الجيش وحتى ده اشك فيه لكن ممكن يحصل

غير كده اي حد حيقولك كلام تاني اعرف انه بيكدب عليك مليوووووووووون في الميه
وبعدين صدقني القلق ده ممنوش فايده
سيبها على الله وخلاص
كده كده اللي مكتوبلك حتاخده دي حاجه فعلااا القدر هو اللي بيحددها فبلاش تشغل بالك وتقلق على الفاضي
طالما انت مش بايدك تعمل حاجه يبقى خلاص بقى استريح وتوكل على اللي خلقك وافضل ادعي انك تطلع من الجيش ان شاء الله
وربنا يوفقك وتاخد تأجيل ان شاء الله

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB