اجراءات التجنيد - هاااااااام جدا لكل الناس اللي عندها جيش

|

الحقيقه فكرت كتير قبل ما اعمل المدونه دي بس اخيرا قررت اني اكتب عن اجراءات التجنيد والجيش والكشف الطبي والاوراق المطلوبه وكل الكلام المتعلق بالتجنيد المصري او كما يقولون التجنيد والتعبئه

في البداية احب اعرفكم بنفسي :

انا اسمي ........ بكالريوس ........محافظه الاسكندريه وساكن في منطقه ميامي وانا كنت نص اول في الكشف الطبي سنه 2009

انا بقولكم كده عشان اوضح ان انا مش موظف حكومي ولا بشتغل في الجيش
انا شخص عادي مؤهل عالي اتخرج من الكليه دفعه 2009 وحبيت اقولكم على الخطوات اللي انا عملتها وقت التقديم للجيش ( اجراءات التجنيد ) لكن قد تكون اوضاعكم مختلفه عني او تحصل بعض التغييرات الطفيفه في اجراءات التجنيد وقت ما تقدموا انتم في الجيش

يعني انا باختصار حقولكم على كل اجراءات التجنيد اللي انا عملتها وقت التجنيد عشان على الاقل تبقوا عارفين النظام ماشي ازاي وتبقوا رايحين وعندكم خلفيه كبيرة عن اجراءات التجنيد والكشف الطبي وعشان ازيل عنكم بعض المخاوف اللي جتلكم وقت ما سمعتوا الاشاعات المخيفه اللي انا نفسي سمعتها بالذاااات وقت الكشف الطبي سواء الكشف الطبي في منطقه التجنيد او الكشف الطبي في حلميه الزيتون و أقولكم كمان مين اللي له اعفاء من التجنيد اكيد وكمان عشان اقولكم على بعض الاختلافات البسيطه في اجراءات التجنيد اللي حصلت على سنتنا ( الظاهر كنا منحوسين D: ) عشان في حاجات في اجراءات التجنيد كانت بتحصل السنين اللي فاتت واتلغت حابقى اقولكم عليها بعدين
ان شاء الله

المهم انتم بعد كده ممكن تختاروا الموضوع اللي محتاجين تشوفوه في المدونه عن طريق ارشيف المواضيع اللي في الجنب وده احسن من انت تمشوا الصفحه على طول عشان ترتيب المواضيع ممكن يبقى مختلف حسب الوقت اللي بكتب فيه المواضيع المتعلقه بإجراءات التجنيد والتعبئه  ان شاء الله خصوصا ان الاجراءات الحكوميه المختلفه اللي بعملها تواريخها دايما بكتبها بتاريخ قديم عشان يفضل شكل الصفحه الرئيسيه للمدونه ثابت زي ما هو  وطبعا المدونه فيها كزا صفحه وممكن بعد ما تخلص اول صفحه تروح لتاني صفحه وهكذا  والارقام طبعا موجوده تحت خالص في اخر كل صفحه

وطبعا المواضيع حتبقى متجدده باستمرار وبصفه مستمرة ان شاء الله سوف اضع اخر الاخبار والمواضيع المهمه التي تتعلق باجراءات التجنيد وانا ايضا افكر بألا تقتصر تلك المدونه على اجراءات التجنيد فقط بل سأحاول ان اكتب ايضا عن باقي الاجراءات الحكوميه التي سوف اؤديها على مدى حياتي
وبالتالي اتمنى منكم دوما التشجيع وزيارة المدونه بصفه مستمرة واذا كان لدى احدكم استفسار او تعليق ممكن بمنتهى البساطه ان يكتب تعليقه بالضغط على كلمه comment الموجوده دائما في اخر اي موضوع

واي شخص يحب ان ينقل الموضوع للافاده معنديش اي مشكله بشرط واحد بس وهو انه يذكررابط الموضوع الاصلي


( وهو رابط المدونه http://eltagnid.blogspot.com)

وان شاء الله كلكم تستفادوا وتطلعوا تأجيل او اعفاء من الجيش باذن الله

5 comments:

حسين العربى يقول...

انا شاب من مواليد 17/8/1979 مقيم بالقاهره قد بلغت من العمر 30 عاما ولم التحق بالخدمه العسكريه ابدا ولا ذهبت الى هناك ولا مره فهل تعقد لى محكمه عسكريه لكى احصل على شهاده معافاه اريد ان اعرف ما هى الاجراءات والمستندات والاوراق المطلوبه منى وما هى الغرامه التى ادفعها وهل تقسط لاننى لا املك اى شيىء
وسبب اللجواء اليها الان وهى اريد ان اتوظف وعندما اذهب الى الشركه يطلبوا منى موقفى من الخدمه العسكريه
ولكن عندى استفسار صغير هل من الممكن تقسيط الغرامه وماذا يحدث بعد حكم القاضى بالغرامه وانا لا يوجد معى ثمن دفع الغرامه فهل اتحبس
وماذا يحدث لو حكم القاضى بغرامه كبيره هل ينفع نقض لتقليل الغرامه

admin يقول...

اخي الغالي

سأحاول ان احصل على اجابات اسألتك عن طريق سؤال احد المحامين

انا حسب ما سمعت وحسب رد الاخ الفاضل في موضوعك
http://ejabat.google.com/ejabat/thread?tid=66a1f45bc83c37b5&table=%2Fejabat%2Fsearch%3Fq%3D%25D8%25A7%25D8%25AC%25D8%25B1%25D8%25A7%25D8%25A1%25D8%25A7%25D8%25AA%2B%25D8%25A7%25D9%2584%25D8%25AA%25D8%25AC%25D9%2586%25D9%258A%25D8%25AF

ان الغرامه متوسطها 3000 وغالبا ما تكون اقل
عموما اعدك اني سأحاول ان اسأل احد المحامين لعله يعطيني اجابه قاطعه
وبمجرد ان يخبرني اياها سوف اخبرك بها ان شاء الله

admin يقول...

لقد سألت احد المحامين
وده كان رده بالضبط

اذهب للوحدة العسكرية وهناك يتم ترحيلك المحكمة العسكرية
والغرامة لا تقل عن 2000 ونصيحة ليك بلاش محامى معك علشان القاضى يحكم غرامة بسيطة

silver_111 يقول...

استفسار
ياجماعة حد يدلني
انا تاريخ ميلادي 7\4\1989م حاصل على ثانوية عامة وما ازال اكمل دراستي الجامعية في الخارج ومتبهدل في موضوع إدارة البعثات والجامعة اللي بدرس فيها هتقفل وطبعا بأشتغل في الخارج وعايز اشوف حل في الجيش علماً بأني متزوج ولدي ابن ووالدي عنده 58 سنة والدتي عندها 63 سنة لدي اخوة اكبر مني غير اشفاء متزوجون واحد واخد تأجيل والتاني اعفاء نظر
وأنا وحيد والدتي
ولدي أخوة اصغر مني اطفال ايضا غير اشقاء.
طبعا مش عارف اي حاجة بخصوص الانظمة وهل فيه حل للتأجيل أو الاعفاء.
وانا كنت عامل عملية فتاق اربي ايسر.
ياجماعة اللي ليه خبرة يقولي اي حل لأني بجد مش عارف اسافر ولا اعمل حاجة وجوازي هينتهي بعد سنتين

admin يقول...

المشكله ان والدك طالما عنده 58 سنه ومازال متزوج والدتك ففي الحاله دي هو يعتبر العائل الاساسي للاسره ( او بمعنى ادق لوالدتك )
بس ممكن تاخد اعفاء لاسباب سياسيه لو كنت متزوج من اجنبيه

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB