الكشف الطبي - كشف العظام و كشف الرمد

|


اول حاجه لازم تعرفوها ان الاربع كشوفات بتوع الكشف الطبي في التجنيد كلهم على بعض مش حيزيدوا عن 3 دقايق بالكتير ( عشان بيبقى وراك طابور طويل من البشر )


اول كشف طبي في التجنيد هو كشف الجراحه

بمنتهى البساطه الدكتور بيقولك اقف وانت ضامم رجليك على بعض ( عشان يشوف لو عندك فلات فوت عظمي ( مش لحمي زي ما قلنا ) او اذا كان عندك التصاق في الفخذين او اذا كانت المفاصل والركبه كويسين ولا فيهم مشكله ما
وانت بردك حتكون فارد كفين ايديك للامام عشان بردك يشوف لو في اي مشكله في ايدك ولا مفيش
وطبعا حيسألك اذا كان عندك كسر قديم ولا شرخ او اي حاجه متعلقه بالعظام ( وبالمناسبه لو عندك عدم تطابق الفكين بحيث ان الفك السفلي موجود للامام عن الفك السفلي ابقى قوله عليها ومتخافش )
ولو عندك اي مشكله حيعمل اعاده فحص اما في نفس اليوم او يوم تاني او وقت اللجنه الطبيه العليا


وبعد كده حتروح لكشف الرمد - تاني كشف طبي في التجنيد


طبعا الدكتور حيخليك ( بعد ما تقلع النظارة لو انت كنت بتلبس نظارة اساسا ) تبص على العلامات الغبيه ويقولك فتحه الرمز رايحه ناحيه ايه؟ اليمين ولا الشمال ولا فوق ولا تحت ولا ايه ؟


طيب افرض انت مشوفتهمش فعلا



والكشف الطبي ده بالذااااااااااااااااااات لمصلحتك الشخصيه متحاولش تستعبط فيه وتعمل نفسك مش شايف
عشان ساعتها حيحولك لاعاده فحص بعد ما تحط قطرة بشعه بتوسع حدقه العين حتخلي عينك تفضل مفتحه غصب عنها للاسف لمده طويله حوالي 10 ساعات ومش حيبقى عندك احساس بالابعاد كويس طول الفترة دي
يعني الحاجه القريبه ممكن تشوفها بعيده والعكس

وطبعا التأثير المنيل بتاعها بيروح بعد حوالي 10 ساعات لمده يوم تقريبا
المهم بعد ما انت حطيت القطرة البشعه دي حتعمل كشف طبي تاني وتحاول تشوف العلامات ولو نظرك ضعيف يا ريت ساعتها تبقى تجيب اي حاجه تثبت كده

وطبعا بعد ما انت بتخلص كشف الرمد بتخش على الكشف الطبي اللي بعده وهو كشف القلب

9 comments:

abcd يقول...

عندي سؤال بسيط لو سمحت ..
لو حد في أي كشف من الكشوفات كان عنده حالة تخليه ياخد اعفاء .. زي مثلا في النظر (ضعف حاد أو فقد أحد العينين مثلا) أو العظام زي بتر أحد الأصابع .. المعنى عزر واضح يعني .. هل هيكمل باقي الكشوفات كلها ولا لو طلع بعذر في واحد منهم خلاص مش بالضرورة يكمل الباقي .. زي الي بيخرج وزن زايد أو مستوى عرض الصدر كده بيكمل في اجراءات الاعفاء على طول من غير باقي الكشف.

شكرا ليك

admin يقول...

بص اللي كان بيحصل قدامي :

اللي كانوا بيطلعوا من الوزن او الطول او عرض الصدر هما دول اللي كانوا مبيكملوش الكشوفات وده عشان كشفهم بيبقى بدري قبل الاربع كشوفات بتاعه الجراحه والرمد والعظام والقلب

لكن طالما دخلت اي كشف من الكشوفات الاربعه حتكمل باقي الكشوفات عشان الاربعه دول بيبقوا ورا بعض والفاصل ستاره بين كل كشف والتاني وانتوا اساسا بتدخلوا طابور والاربع كشوفات على بعض مبياخدوش دقيقتين بالعدد فاهمني ؟ فعشان كده طالما عملت كشف واحد من الاربعه دول حتكمل باقي الكشوفات للاسف وده اللي كان بيحصل للناس وقت الكشف الطبي بتاعي
اتمنى اني اكون افدتك يا abcd
وبالتوفيق ان شاء الله

Ahmed يقول...

طيب ممكن اعرف اللى عنده شرخ فى الجمجمه وعندو عقله طايره فى الصوباع اللى فى النص فى الايد اليمنى ايه نظامو والله اعلم حكايه وضع الساجده المحرجه شويه دى ايه نظامها

admin يقول...

بص يا بوحميد
انا مش حضحك عليك موضوع كشف الجراحه اكيد طبيعي محدش نفسه فيه لكن للاسف ده امر واقع وحيحصل يعني حيحصل
فنصيحه لوجه الله لو لا قدر الله اضطريت تعمل الكشف ده اوعى تحاول تمايع او تقول الدكتور بلاش او اي حاجه من الحاجات دي عشان ساعتها المعامله فعلااااااااا مش حتبقى لطيفه
زي ما قلتلك الكشوفات كلها فعلاااااااا مبتاخدش دقيقتين على بعض عشان العدد بيبقى كتييييييير اوي
وكشف الجراحه مبياخدش اكتر من نص دقيقه بالكتير
فهو من الاخر يوم منيل بس استحمله وخلاص زي ما كل الشعب المصري استحمله

بالنسبه لموضوع الشرخ والصباع اللي ناقصه عقله بص انا مش خبير اوي لكن بنسبه كبيره اويييي ان شاء الله اعفاء ولاااااازم وقت كشف العظام ( اول كشف من الاربعه ) تقوله على اللي عندك ويا سلام كمان لو معاك اشعه تثبت كده
وهو ان شاء الله حيديك اعفاء او على الاقل حتتحول لجنه طبيه عليا في القاهره في حلميه الزيتون وهما هناك حيحكموا
بس ان شاء الله حتاخد اعفاء

Ahmed يقول...
أزال المؤلف هذا التعليق.
Ahmed يقول...

بجد شكراُ ليك بس عاوز اعرف لو طلعت غير لائق فى كشف العظام بكمل باقى الكشوفات ولا لأ ارجو الافاده بسرعه وشكراً

admin يقول...

بص اللي كان بيحصل قدامي :

اللي كانوا بيطلعوا من الوزن او الطول او عرض الصدر هما دول اللي كانوا مبيكملوش الكشوفات وده عشان كشفهم بيبقى بدري قبل الاربع كشوفات بتاعه الجراحه والرمد والعظام والقلب

لكن طالما دخلت اي كشف من الكشوفات الاربعه حتكمل باقي الكشوفات عشان الاربعه دول بيبقوا ورا بعض والفاصل ستاره بين كل كشف والتاني وانتوا اساسا بتدخلوا طابور والاربع كشوفات على بعض مبياخدوش دقيقتين بالعدد فاهمني ؟ فعشان كده طالما عملت كشف واحد من الاربعه دول حتكمل باقي الكشوفات للاسف وده اللي كان بيحصل للناس وقت الكشف الطبي بتاعي
اتمنى اني اكون افدتك يا بوحميد
وان شاء الله تاخد اعفاء
وبالتوفيق ان شاء الله

Ahmed يقول...

شكراً على الافاده
جزاك الله كل خير

admin يقول...

جزانا الله واياكم

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB