اجراءات حكوميه - رقم التأمين

|


عند قبولك في اي وظيفه غالبا يطلبون منك بعض الاوراق وغالبا يطلبون ما يسمى برقم التأمين
ورقم التأمين هورقم مميز لكل مواطن في جمهوريه مصر العربيه والذي من خلاله تستطيع الشركة او صاحب العمل ان يؤمن عليك

كيفيه الحصول على رقم التأمين 

الحصول عليه سهل جدا كل المطلوب منك احضار صورة من البطاقه والذهاب لمكتب التأمينات لمنطقتك وتقديم صورة البطاقه للموظف المسؤول عن رقم التأمين وبمجرد ان تعطيه صورة البطاقه الشخصيه سيكشف هو عليها بالكمبيوتر ويكتب على صورة البطاقه رقم التأمين الخاص بك

في حاله اذا كنت منحوس مثلي 

عندما قدمت صورة البطاقه للموظف المسؤول وكشف عليها قانه اكتشف ان ليس لي رقم تأمين ( ولا تسألني لماذا !! )  المهم في تلك الحاله لازم تقوله بمنتهى الثقه انك تريد عمل رقم تأمين خاص بك
وفي تلك الحاله ستعطيه صورة من شهاده ميلادك وهو سيقول لك ان تأتي غدا ( بكره ) ان شاء الله عشان تاخد رقم التأمين الخاص بك

ملحوظه 

الموظف كان وغد ولما قاللي اني مليش رقم تأمين مرداش حتى يقوللي ليه وقعد يقوللي روح اختم صورة البطاقه وروح مكتب العمل عشان تعمل كعب عمل  وقال ايه ان الناس اللي حشتغل عندهم هما اللي حيعملولي رقم تأمين
ولأني للاسف مكنتش فاهم حاجه فصدقته وروحت
لكن لما سألت فعليا لازم تعرف الاتي 

اولا من حق كل مواطن في جمهوريه مصر انه يكون ليه رقم تأمين بتاعه وحتى لو افترضنا انك مكانش ليك رقم تأمين يبقى من حقك بمجرد صورة شهاده الميلاد انك تطلع رقم التأمين بتاعك بكره وخليك واثق مليون في الميه من كلامي ده
عشان لو كان الموظف سخيف ومكسل يعملك رقم تأمين لازم تفهمه بثقه انك عارف ان من حقك انه يعملك رقم تأمين ودي وظيفته اسااسا

0 comments:

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB