ترجيع تذاكر القطر

|


مممم المرة دي الموضوع بصراحه مش عارف اصنفه ايه ؟ هومش من ضمن اجراءات التجنيد اوحتى من ضمن الاجراءات الحكوميه
بس انا حبيت اقوله عشان انا مكنتش اعرفه بمنتهى الصراحه وقولت اقولكم عشان ممكن كام واحد فيكوا زيي

الموضوع بمنتهى البساطه هو عن ترجيع تذاكر القطر:

المعلومه الي مكنتش عارفها ان عشانترجع تذاكر القطر هو انك لازم ترجعها قبل ميعاد القطر ب 48 ساعه ( قبلها بيومين ) واناكنت حجزت تذكرة عشان كان عندي معاد في القاهره واتلغى وبالتالي كنت عايز ارجعها وسألت الموظفه بالتليفون قالتلي على موضوع ال 48 ساعه ده

المهم حل الموضوع بسيط :

1- تروح قبل معاد القطر بساعه تقريبا وتقف على شباك التذاكر وتسأل اذا كان فيه حد عايز تذكرة قطر في الميعاد الفولاني وتبيعهاله 
او انك تروح للموظف اللي على شباك التذاكر وتقوله الوضع كزا وانك عارف انك مش حينفع ترجع التذكرة بس حتطلب منه بمنتهى الزوق انك حتقف جنب الشباك و  انه لو جاله حد عايز تذكرة في نفس الميعاد اللي انت حاجزه انه يقولك عشان تديه التذكره

2- انك تروح لمكتب المعاون ( وده فيما يبدوا منصب في محطه القطر ) وتقوله الوضع كزا وانك عايز ترجع التذكرةوتخليه يمضيلك علي التذكرة من ورا وتروح لشباك التذكر عشان الموظف يرجعلك التذكرة بس خد بالك انه حيخصم منك مبلغ تقريبا حوالي 5 جنيه ( ممكن اكتر اواقل بس هو كام جنيه مش حاجه كبيرة)

بالنسبالي انا عملت اول حل وبيعت التذكرة بنفسي عشان مخسرش فيها بس انت قدامك الحلين

مش عارف اذا كان الموضوع مفيد ولا لأ ليكوا بس انا قولت اقوله يمكن يكون حد زيي مكانش عارف بموضوع ال 48 ساعه ده

0 comments:

إرسال تعليق

ملحوظة: يمكن لأعضاء المدونة فقط إرسال تعليق.

 

تعريب وتطوير ابن حجر الغامدي ©2009 اجراءات التجنيد | Template Blue by TNB